عدد الرسائل : 251 العمر : 36 تاريخ التسجيل : 06/03/2008
موضوع: ما هو تعريف الحب ؟, الأحد مايو 11, 2008 6:10 am
الحب هو ذلك الشعور المنبثق من غياهب النفس ببعدها المرئي اللامتناهي المتوازي مع خط دوران كوكب زحل ..
يا عم بلا حب بلا بتاع ..
هو الواحد لاقي وقت والا مزاج عشان يحب ..!!
لا بجد .. التوبيك ده عجبني و هتفلسف .. فلسفة محصلتش .. فعشان كده اللي يتخنق من الفلسفة .. مربع احمر عليه اكس في اعلى الشاشة من الشمال ..
نيجي للحوووب .. الحب طبعاً من أهم الاحتياجات التي يحتاجها الإنسان من طفولته على شيخوخته .. أن يشعر بأنه محبوب ممن حوله .. ويختلف تعريف الحب حسب نظرة كل شخص للحياة وفلسفته فيها .. أنا هأقولك الحب من وجهة نظري .. احنا دلوقتي لما أي حد يسمع كلمة حب .. أول حاجه تتبادر إلى أذهاننا الحب الملتهب زي روميو وجولييت وإلا قيس وليلى !! والحب معناه أوسع من كده بكتير .. كل إنسان لازم يكون يحمل مشاعر حب في قلبه .. حب الله .. حب الانبياء .. حب الناس بشكل عام .. حب الوالدين .. الأخوة .. الأهل .. الزوج .. الأبناء .. حب الحياة .. وحاجات كتير..
بس أنت شكلك بتسأل عن الحب العاطفي .. اللي ينشئ بين المرأة والرجل .. طبعاً أول حب من هذا النوع غالباً ينشأ أيام المراهقة .. يعني البنت تقابل واحد وسيم و وجذاب .. تقعد طووول الوقت تفكر فيه .. وأنا خلاص حبيته ..وتنهدات وآهات ودموع .. وآخرتها البنت تكبر وتعقل وتكتشف كم كانت ساذجة .. والولد برضه يقابل بنت حلوة .. ويتعلق بيها .. بعدين يكتشف إن دي أوهام .. أو تعلق المراهقين بمغنين والا ممثلين وحبهم إلى درجة الجنون .. برضه الزمن كفيل بإيضاح أن ذلك لم يكن إلا تعبئة للعاطفة المتفجرة في تلك المرحلة ...!! بس الحب الأول .. يا ويلي .. يصعب نسيانه .. لا مش يصعب .. لازم يكون فيه رواسب ..
بس أنا شايفه إن الحب الحقيقي هو الذي ينشأ نتيجة الاندماج الروحي لشخصين إن جاز التعبير، تحس إنك ارتحت لهذا الشخص وحصل توافق بين روحك وروحه فحبيته ،والأرواح جنود مجندة ما تعارف منها إئتلف وما تنافر منها اختلف .. وبرضه يكون توافق في تفكيرك وتفكيره .. وتوافق من كل النواحي تقريبا في هذا النوع من الحب تشعر إن هناك أساسات ثابتة ، يعني الحب نشأ بعد ما ارتحت لشخصية البني آدم اللي قدامك ، وحسيت انكم فعلا مكملين لبعض ، بعيد عن الحب الجنوني الذي يعمي ويصم ، واللي الواحد فيه ميفكرش الا بالحب والحب فقط لو الحب نشأ بهذه الطريقة وتكلل بالزواج ، صدقني هذا هو الحب الحقيقي الذي يدوم .. وطبعاً الحب عطاء ، ومحتاج رعاية واهتمام .. مثل النبتة ..!! ساعات ينشأ حب من هذا النوع .. لكن الظروف تمنع من ارتباط المحبين .. حتى بعد مرور السنين .. تلاقي فيه آثار للحب ده .. فيه واحد أعرفه حب بنت عمته حب جنووووني ... بس هي كانت تحب واحد تاني .. اتقدملها .. طبعا رفضت.. كان هيتجنننننننننن فعلاً .. ما كنش فاضل غير انه يبوس رجليها عشان توافق.. رفضت خاااااااالص.. وتجوزت من الراجل اللي تحبه .. حقها طبعا .. بس الراجل ده صعبان عليا اوي .. المهم بعد ما اتجوزت .. أهله فضلوا يزنوا فوق دماغه عشان يتجوز .. رفض قال انسوا .. وسنة وراء سنة .. وهو رااااااافض .. دلوقتي بقى يزعل لما حد يجيب سيرة الجواز قدامه .. يقول : مش قااااااااااادر انسااااااااها .. بأحبها فعلا مقدرش اعيش مع وحده غيرها .. والزواج ليس لمجرد الزواج .. دلوقتي هو عنده 38 سنة .. وبنت عمته متجوزة بقالها 12 سنة .. ساعات بصراحة بصنف ده مش حب .. عبط !! التضحية لها حدود كمان .. بس والله صعبان عليا .. هي عايشة حياتها .. وهو بيعذب نفسه ..!! ما علينا .. نرجع لموضوعنا !! الحب اللي مش حقيقي هو اللي ينتهي بسرعة .. يعني تحب حد ..بعدين تحصل مشاكل تمنع الارتباط مثلا .. كل حي يروح في حاله .. مع الأيام البني آدم ينمسح من الذاكرة خالص .. ده كان حب أي كلام نقدر نسميه ..
والناس اللي زواجهم يبدأ بالحب بعدين ينتهي بالطلاق .. أنا حاسه إن الناس اللي من النوع ده .. ارتبطوا وهم في غمرة الحب ..من غير أي اهتمام أو دراسة لشخصية البني آدم اللي قدامك .. يعني ساعات ميكونش بينهم أي توافق فكري وعقلي ..لا البنت ولا الولد يهتموا إنهم يسألوا عن الطرف الآخر ..مفكروش ان الزواج مش لعبة والا رحلة كلها اسبوعين وترجع للبيت .. دي عشرة عمر .. واخطر قرااااار واصعب قرار.. قرار الزواج .. ودول اللي بيحبوا بعض .. طبعا عين الرضا عن كل عيب كليلة ومحدش هيشوف أي عيوب في البني آدم اللي قدامه .. والحرمان كفيل إنه يولع جمرة الحب اكتر واكتر .. وبعد ما يتجوزوا وتنطفئ جمرة الحب وكل واحد يشوف شخصية الآخر على حقيقته .. ويكتشفوا إنهم ميقدروش يعيشوا الحياة مع بعض .. الحياة اللي فيها عمل ومسئوليات وعيال وبيت وليس حب وغرام فقط ... والاحتكاك يولد الانفجار .. فيلاقوا انه مفيش طريق غير الطلاق .. وللأسف تنتهي قصة الحب الجميلة بأبغض الحلال إلى الله ... احنا عندنا مثل بيقول " من أخذ عشق خلى عياف " .. اللي بياخذ عن حب مع الايام نفسه بتعاف الحب ده .. انا مش مع المثل اطلااااقا .. بالعكس فيه قصص حب تنتهي بالزواج الذي يدوم ...
فيه نوع من الحب ينشأ من الجسد فقط .. وغالبا النوع هذا ينتهي نهاية مأساوية بعد ما الشخص يطول الحاجه اللي كان محروم منها ..
الحب ليس رواية شرقية في ختامها يتزوج الأبطال لكنه الإبحار دون سفينة ويقيننا أن الوصول محال هو أن تظل على الأصابع رعشة وعلى الشفاه المطبقات سؤال هو جدول الأحزان في أعماقنا تنمو كروم حوله وغلال هو هذه الأزمات تسحقنا معا فنموت نحن وتزهر الآمال هو أن نثور لأي شيء تافه هو يأسنا هو شكنا القتال هو هذه الكف التي تغتالنا ونقبل الكف التي تغتال
وفي نهاية البرنامج احب اطلب اغنية امي الحبيبة وبابا الحبيب .. عشان بابا ميزعلش ....
موضوع: ما هو تعريف الحب ؟, 
الأحد مايو 11, 2008 6:10 am
..!!
..
..
!!
....
